Abraha, habsha ke badshah ki
taraf se Yemen ka Governor tha usne Yemen me ek KANEESA banaya tha ye chahta
tha ke Arab ke log jo HAJ karne ke liye Makkah Muazzama jaate hain aur
Baitullah Ka tawaaf karte hain usko Chord den aur uske banaye hue Kaneesa ki
taraf Rujoo karen, Yemen me agarche Butt parasti Ghalib thi magar Kabah ki Qadr
o Azmat unke Dilon me jami hui thi, Ahle Arab me se ek Shakhs ne ARAHA wale
Kaneesah me Daakhil hokar gandagi se aalooda kardiya jab Abraha ko maloom hua
ke kisi Quraishi ne aisa kaam kiya hai to usne Apne Badshah se Ijazat lekar
Kabah Shareef ko girane ka Irada kiya aur apni Fauj le kar aaya jin me HATHI
bhi the. Rasoolullah sallallahu alaihi wasallam ke Dada Abdul Muttalib ko iski
Ittela huo to BAITULLAH ke Darwaze ka Halqa pakad kar Dua me mashghool hogaye.
Apke sath Quraish ki badi jamat bhi thi sab ne Bhot Duaen kin ke Aye Allah Aap
apne Ghar ki hifazat farmayen, Dua karne ke baad Abdul Muttalib logon ko apne
sath lekar mukhtalif pahadon par chale gaye, Abraha ne Baitullah par Chadhai ki
tayyari ki , Allah ta’ala ne parinde bhej diye, Har ek ke panjon me aur Chonch
me Kankariyan thin un Parindo ne wo kankariyan Abraha ke Lashkar par gira din
Jisne Abraha ka Lashkar Tabah hogaya, Phir Abraha bhi Yemen pohanch kar
Badtareen MArz ka Shikaar hokar margaya. Chuanke ye Ajeeb waqia tha is liye
Ahle Arab jab tareekhi waqiaat bayan karte the to kaha karte the ke Ye AAMUL FEEL
ka waqia hai, Huzoor sallallahu alaihi wasallam ka yahi Saal hai , is Waqie ke
50 Din Baad Huzoor sallallahu alaihi wasallam ki Wiladat hui.(Sarwar e kaunain)
Note: Humne Ye waqia Mukhtasar
likha hai jise tafseel padhni ho wo SURAH FEEL (105) Ki tafseer padhlen ya kisi
Seerat ki kitab me ye waqia padhlen.
jazakALlah khair.
No comments:
Post a Comment